Situ uficiale
Clicate nantu à l’imagine per ingrandalla
Creazione : Dicretu n° 75-1128 di u 9 di decembre di u 1975
Parte terrania : 919 ettari
Parte marina : 604 ettari cù 70 ettari in riserva integrale
Gestiunariu : Parcu naturale regiunale di a Corsica
Pruprietariu : Conservatoire de l’Espace Littoral et des Rivages Lacustres, cumunale, privatu
Annantu à a parte TERRANIA hè DIFESU,
- Di fà danni à l’animali è à a fiora,
- U passeghju di a ghjente è di l’animali mansi,
- A pratica di a caccia,
- U fattu di tene o di purtà arme à focu o munizione,
- U campeghju o u bivaccu,
- U sopravolu sottu à di 1000m d’altitudina è quessa, ancu cù un “drone”,
- U dipositu di mullizzu
- U Focu.
In MARE hè DIFESU,
- Di fà danni à l’animali è à a fiora, hè di più ricumandatu d’ùn avvicinassi à menu di 250 metri di i nidi d’alpana,
- A pratica di a pesca,
- A pratica di a caccia à partesi d’una nave,
- U fattu di tene o di purtà arme à focu o munizione,
- Di ciuttà cù un scaffandru autunomu,
- Di lampà in mare o annantu à u duminiu publicu maritimu: mullizzi, acqua brutta o resti di manghjusca,
- L’ammogliu di tutte e nave, da u ciuttà à u pisà di u sole in a Riserva Naturale,
- L’ammogliu di tutte e nave, di ghjornu o di notte, in a Riserva integrale è in « l’imbuccatura di Gargalu ».
Avertimentu : a vitezza hè limitata à 5 nodi in a banda liturale di i 300 metri
Carta SHOM di a zona prutetta
À partesi di u 1970, i scentifichi piglianu cuscenza di u bisognu d’accurdà a prutezzione di i spazii rimarchevuli cù a crescita di l’attività umana.
Hè in u 1975 ch’ella nasce a riserva naturale di Scandula. Fubbe cusì u primu situ di Francia chì pigliava in contu u patrimoniu naturale terraniu è marinu.
In u 1974, u golfu di Portu cù i so paisaghji strasurdinarii hè ricunisciutu è scrittu prima cum’è un situ classificatu è qualchì ani dopu, in u 1980, à u patrimoniu mundiale di l’umanità. À listessu locu, nantu à più o menu 2000 etari di u latu maritimu, hè creata un anu dopu a prima riserva naturale di l’isula à l’iniziativa di u Parcu Naturale Regiunale di a Corsica.
A labelisazione internaziunale (UNESCO diplomu Europeu Biomare) ci dà a prova chì issu situ ferma l’une di l’ultime maraviglie di u mondu.
FORZE
U mantenimentu di stu situ vechju di più di 30 ani ùn hà paru
A cumunita scentifica internaziunale ricunnosce a parte integrale di a riserva di Scandula cum’è una rifarenza in u Mediterraniu. Hè un locu maiò di a biudiversità marina (ci si trovanu sempre spezie smarite altrò in u Mediterraniu è fattu strasurdinariu, nove spezie sò scuperte in i tempi d’oghje)
Un situ ecceziunale chì và à l’inversu di l’urientazione mundiale
A riserva naturale di Scandula hè, trà altru, un locu ecceziunale per u studiu di u curallu rossu. U fattu di pruteghjelu dapoi 30 anni è impidisceni a pesca hà permessu u sviluppu è a crescita di isse pupulazione. Oghje ci si pò truvà à pocu fondu curallu maiò.
Per i scentifichi Scandula ghjova cum’è una riferenza per valutà u mantenimentu di a biudiversità paragunendu cù l’altri siti di u Mediterraniu, ch’elli sianu prutteti o mica. Isse missione sò messe in opera da u Centru d’Oceanolugia di Marseglia (CNRS)
Di listessa manera, a prutezzione di u situ hà permessu u mantenimentu è a crescita di i pupulazione d’alpana guasi smarita in l’anni 70 ( 4 coppii)
Issa prutezzione hà permessu di ritruvà più o menu l’effettivi di nanzu
Isse misure di gestione danu oghje a pussibilità à a Tuscana è a Sardegna di pruvà à riintruduce a spezia cun ghjovani acelli corsi.
U scopu di sti scambii hè di pruvà à riculunizà isse regione taliane è favurizà a salvezza di ‘ssu rapace in u Mediterraniu
Tutte ‘sse azzione seranu più ch’efficiente quandu tuttu ognunu sera cuscente di l’impurtenza di u mantenimentu di isse loche debule.
A sensibilisazione di i publichi face parte di e missione di u Parcu di Corsica. Issa sensibilisazione à tutte e richezze di u patriomoniu sia marinu, sia terraniu hè messa in opera cù i sughjorni di scuperta per publichi maiò o sculare à a Casa Marina di Galeria o per l’animatore di settore.
DUMANE
L’evuluzione più ch’è pusitiva di e risorse marine è a salvezza è u sviluppu di e spezie minacciate, risultatu di più di trent’anni di prutezzione di stu situ rimarchevule di Scandula ci danu fede in l’avvene.
Hè per ciò chì u gestiunariu hè in brama di sparghje issa azzione più ch’è pusitiva à un territoriu più maiò.
U prughjettu d’ingrandà a riserva naturale di Scandula hè oghje à u studiu
Sites Natura 2000 du secteur « Calvi – Carghjese » : adhérez à la nouvelle Charte Natura 2000 de bonnes pratiques
Rédigée par l’UAC (animateur des sites Natura 2000), en collaboration avec le PNRC et les services de l’Etat, la nouvelle Charte Natura 2000 de bonnes pratiques du secteur « Calvi – Carghjese » ambitionne de contribuer à la conservation des habitats et des espèces d’intérêt communautaire sur ce territoire vaste de plus de 1 270 km².
En devenant signataire de la Charte Natura 2000 pour une durée de 5 ans, vous vous engagez à devenir un acteur volontaire des objectifs poursuivis par le réseau Natura 2000 et vous ancrez vos pratiques dans une démarche de développement durable.
Cette nouvelle charte, validée par les membres du Comité de Pilotage, propose 15 engagements : 3 de portée générale et 12 répartis selon les milieux concernés (fonds marins côtiers, falaises littorales et côtes rocheuses et milieux terrestres). Ces engagements prennent en compte les problématiques liées à la fréquentation touristique, notamment celles liées la conservation du balbuzard pêcheur.
Professionnel, membre d’une association, propriétaire ou usager du secteur, nous vous invitons à lire et adhérer en ligne à la Charte Natura 2000 pour marquer votre attachement au secteur et à son patrimoine naturel unique en Corse. Signataire de la charte Natura 2000, facciu per a natura.
- Pour télécharger le livret de présentation de la Charte Natura 2000 :
- Version web, cliquez ici
- Version imprimable, cliquez ici
- Pour télécharger la brochure de présentation de la charte, cliquez ici
- Pour télécharger les cartes 2020 des zones de quiétude du balbuzard pêcheur, cliquez ici
- Pour télécharger les cartes de répartition des habitats marins sensibles, cliquez ici
telecaricate u librettu di a riserva naturale
Love posidonia : un filmettu pè sensibilizà à a prutezzione di e tassone, rializatu dà MEDPAN
Pè sappene di più anantu à e “Réserves Naturelles de France”:
Per cuntattacci:
© 2020 Rializatu pè u Parcu di Corsica – Riserva Naturale Corsa di Scandula (V LENORMAND) – Casa Marina (N ROBERT – JB d’ANGELI) – cu a participazione di Thomas NICOLAI è di Titouan SEIMANDI